GIRJESÁHKA
Ánne Márjá Guttorm Graven hálešta Kathrine Nedrejordain «Sameproblemet»-girjji birra. Doalut leat nuoraide ja ollesolbmuide.
Ánne Márjá Guttorm Graven hálešta Kathrine Nedrejordain «Sameproblemet»-girjji birra. Doalut leat nuoraide ja ollesolbmuide.
Girjesága fáttát: Mo lea leahket nuorra ja sápmelaš Norggas? Gos vuolgá vašši sámiid vuostá ja mo lea nuorra sámiide vásihit vaši? Mo lei ovddit buolvvain ja mo lea dálá áiggis?
Maŋŋil Girjesága, ti. 19 rájes: Girječálli vuovdá ja vuolláičállá girjjiid. Kafeá lea rabas ti. 16 rájes.
«Sameproblemet»-girjjiin (“Sámečuolbma”) girječálli čielggada gaskavuođaid norgga stáhtii, girkui ja skuvlii, ja mo dát ásahusat áiggiid čađa leat váikkuhan sámekultuvrii, -gillii ja sápmelaš identitehtii. Fáttát girjjis leat vašši ja cielaheapmi sámiid vuostá, dáruiduhttin ja sápmelaččaid duolbman.
Kathrine Nedrejord lea riegádan 1987:s, ja su vánhemat leaba eret Gilivuonas ja Kárášjogas. Dál son orru Paris gávpogis. Su girji «Sameproblemet» lea ožžon olu rámi ja buriid árvvoštallamiid, ja lea vuoitán Norgga Brage-nammasaš bálkkašumi 2024 ja lea evttohas Nuoraid árvvoštallibálkkašupmái. Brage-bálkkašumi ulbmil lea gudnejahttit ođđa dárogiel girjjálašvuođa.
Lág./Ruhtadan: Kárášjoga Juoigan ja Neaktin, BeskánLuossaRock, Kárenaš Sámi Giella- ja kulturguovddáš, Kulturtanken